'Cifuentesgate': hedabide digitalen garaipena

Hedabide digital berriek aurrea hartua diete hedabide tradizional handiagoei Cristina Cifuentes Madrilgo Autonomia Erkidegoko presidentearen auzian. Aurrena, eldiario.es hedabide digitalak atera zuen Cristina Cifuentesen masterrari buruzko irregulartasunei buruzko berria; gero, elconfidencial.com hedabideak argitaratu ditu beste inork baino lehen auziari buruzko xehetasun berriak, hala nola masterraren defentsari buruzko aktako sinaduretako batzuk faltsuak direla eta epaimahaiak ez zuela bilerarik egin.